வெங்கட் பிரபு இயக்கத்தில் விஜய் நடிப்பது அரசியல் படமா?
ADDED : 785 days ago
லோகேஷ் கனகராஜ் இயக்கி உள்ள லியோ படத்தில் நடித்து முடித்திருக்கிறார் விஜய். இந்த படத்தின் இறுதி கட்டப்பணிகள் நடைபெற்று வரும் அதேவேளையில் இன்னொரு பக்கம் அடுத்து வெங்கட்பிரபு இயக்கத்தில் விஜய் நடிக்கும் அவரது 68வது படத்தின் ஆரம்பகட்ட பணிகளும் நடக்கின்றன. ஏஜிஎஸ் பிலிம்ஸ் தயாரிக்கும் இந்த படத்திற்கு யுவன் சங்கர் ராஜா இசை அமைக்கிறார். இதில் விஜய் இரண்டு வேடங்களில் நடிப்பதாக கூறப்படும் நிலையில், ஜோதிகா, பிரியங்கா மோகன் ஆகிய இருவரும் நாயகிகளாக நடிப்பதாக தகவல்கள் வெளியாகி உள்ளன.
விஜய் விரைவில் அரசியல் கட்சி தொடங்க தயாராகிக் கொண்டிருப்பதால் இந்த 68வது படம் ஒரு அதிரடியான அரசியல் கதையில் உருவாக இருப்பதாகவும், அதற்காகவே சில சமூக ஆர்வலர்கள் மற்றும் அரசியல் புள்ளிகள் ஆகியோரையும் கதை விவாதத்தில் கலந்து கொள்ள வைத்து அதற்கான ஸ்கிரிப்ட்டை வெங்கட் பிரபு உருவாக்கி வருவதாக தகவல் வெளியாகி உள்ளது. இந்தபடம் வெளியான பிறகே விஜய் தன்னுடைய அரசியல் கட்சியை அறிவிப்பார் என்றும் விஜய் வட்டாரங்களில் கூறுகிறார்கள்.