சமந்தா பற்றி விசாரித்த முன்னாள் மாமனார் நாகார்ஜூனா
ADDED : 776 days ago
நடிகர் நாகார்ஜூனா தொகுத்து வழங்கும் 'பிக் பாஸ் 7' தெலுங்கு நிகழ்ச்சி நேற்று ஆரம்பமானது. 14 போட்டியாளர்களுடன் ஆரம்பமாகியுள்ள இந்த நிகழ்ச்சியில் நடிகர் விஜய் தேவரகொண்டா நேற்று சிறப்பு விருந்தினராகக் கலந்து கொண்டார்.
'குஷி' படத்தின் புரமோஷனுக்காக அவர் சென்றார். நிகழ்ச்சியின் மேடையில் அவரை வரவேற்ற நாகார்ஜூனா, “எங்கே படத்தின் கதாநாயகி சமந்தா” எனக் கேட்டார். அதற்கு விஜய் தேவரகொண்டா, “அவர் அமெரிக்காவில் 'குஷி' படத்தின் புரமோஷனுக்காகவும், அவரது சிகிச்சைக்காகவும் சென்றுள்ளார், இரண்டு நாளில் வந்து விடுவார்,” என பதிலளித்தார்.
“நீங்களும் சிறந்த நடிகர், சமந்தாவும் சிறந்த நடிகை, நீங்கள் இருவரும் போட்டி போட்டு நடித்திருக்கிறீர்கள். யார் யாரை டாமினேட் செய்து நடித்தீர்கள்,” எனக் கேட்டார் நாகார்ஜூனா.
அதற்கு விஜய் தேவரகொண்டா, “முயற்சி பண்ணேன் சார், ஆனால், எப்போதுமே மனைவிதானே சார் டாமினேட் செய்வார்கள். உங்க லைப்ல யார் சார் டாமினேட் செய்றாங்க,” எனக் கேட்டார். “என் லைப்பில் நான்தான் டாமினேட்,” என நாகார்ஜுனா பதிலளித்தார்.
சமந்தாவைப் பற்றி அவரது முன்னாள் மாமனரான நாகார்ஜூனா விசாரித்தது ரசிகர்களுக்கு ஆச்சரியத்தை ஏற்படுத்தியுள்ளது.