உதவியாளர் திருமணத்தில் நேரில் கலந்து கொண்டு வாழ்த்திய ராஷ்மிகா

தென்னிந்திய அளவில் மிகவும் பிசியான முன்னணி நடிகையாக நடித்து வருகிறார் ராஷ்மிகா மந்தனா. அது மட்டுமல்ல படப்பிடிப்புகளுக்காக மாறிமாறி பயணம் செய்வது, பொது நிகழ்ச்சிகளில் கலந்து கொள்வது, உடற்பயிற்சி வீடியோக்களை பகிர்ந்து கொள்வது என மீடியாக்களில் தினசரி செய்திகளில் தொடர்ந்து இடம் பிடித்து வருகிறார். சமீபத்தில் சேகர் கம்முலா இயக்கத்தில் தனுஷ் நடிக்கும் படத்தில் முதன்முறையாக அவருடன் ஜோடி சேர்ந்து நடிக்கிறார் என்கிற செய்தி வெளியானது.

இந்த நிலையில் இவரிடம் நீண்ட நாட்கள் உதவியாளராக பணியாற்றும் சாய் என்பவரின் திருமணம் நடைபெற்றது. இந்த திருமணத்தில் நேரில் கலந்து கொண்டு மணமக்களை வாழ்த்தினார் ராஷ்மிகா. மணமக்கள் அவரது காலில் விழுந்து ஆசி பெற்றனர். இந்த புகைப்படங்கள் தற்போது சோசியல் மீடியாவில் வெளியாகி வைரலாகி வருகின்றன.