ராணுவ வீரராக நடிக்கும் கமல்

நடிகர் கமல்ஹாசன் தற்போது இந்தியன் 2 படத்தில் நடித்து வருகிறார். விரைவில் பிக்பாஸ் 7வது சீசன் தொகுத்து வழங்கவுள்ளார். இதைத் தொடர்ந்து கமலின் 233வது படத்தை வினோத் இயக்குகிறார். இதனை கமலின் ராஜ்கமல் நிறுவனம் தயாரிக்கின்றனர் என ஏற்கனவே அறிவித்தனர்.

இந்த படத்திற்காக துப்பாக்கி சூடு பயிற்சியில் சமீபகாலமாக கமல் ஈடுபட்டு வருகிறார். இது விவசாயம் சம்மந்தப்பட்ட படம் என்று முன்பு கூறப்பட்டு வந்த நிலையில் தற்போது கிடைத்த தகவலின் படி, இது ராணுவ பின்னனியில் நடக்கும் கதைக்களம் என்கிறார்கள். இதில் ராணுவ வீரராக கமல் நடிப்பதாகவும், இதற்கான பயிற்சிகளை கமல் இப்போது மேற்கொண்டு வருவதாகவும் கூறப்படுகிறது.