விருப்பப்பட்டால் உறுப்பினராக சேருங்கள் : த.வெ.க.,-க்கு விஜய் அழைப்பு
ADDED : 574 days ago
தமிழ் சினிமாவில் முன்னணி நடிகராக இருக்கும் விஜய், ‛தமிழக வெற்றிக் கழகம்' என்ற அரசியல் கட்சியை துவங்கி உள்ளார். 2026 சட்டசபை தேர்தலில் களமிறங்க உள்ளதாகவும் அறிவித்துள்ளார். தற்போது தான் நடித்து வரும் ‛தி கோட்' படம், அதற்கடுத்து ஒரு படத்துடன் சினிமாவை விட்டு விலகி முழு நேர அரசியலில் இறங்க போவதாகவும் தெரிவித்துள்ளார்.
தற்போது அந்த கட்சியில் உறுப்பினர் சேர்க்கும் பணி நடக்கிறது. இதற்காக புதிய செயலி ஒன்றை நடிகர் விஜய் அறிமுகம் செய்துள்ளார். அதை அறிமுகம் செய்து வைத்து பேசிய நடிகர் விஜய், ‛‛பிறப்போக்கும் எல்லா உயிர்க்கும்... என்ற அடிப்படை சமத்துவ கொள்கையை பின்பற்றி வரவிருக்கும் சட்டபை தேர்தலை நோக்கி பயணிக்கிறோம். நீங்கள் விருப்பப்பட்டால் இதில் உறுப்பினராக சேரலாம். ரொம்ப எளிமையான வழி தான்'' என்று தெரிவித்துள்ளார்.