‛பேமிலி ஸ்டார்' படத்தின் படப்பிடிப்பு நிறைவு
ADDED : 577 days ago
கீதா கோவிந்தம் படத்தின் வெற்றிக்குப் பிறகு நடிகர் விஜய் தேவரகொண்டா , இயக்குனர் பரசுராம் கூட்டணியில் உருவாகி வரும் படம் 'பேமிலி ஸ்டார்'. இதில் நடிகைகளாக மிருணாள் தாகூர், திவ்யன்ஷா கவுசிக் ஆகியோர் நடிக்கின்றனர். ஸ்ரீ வெங்கடேஸ்வரா கிரியேஷன்ஸ் நிறுவனம் தயாரிக்கும் இப்படத்திற்கு கோபி சுந்தர் இசையமைக்கிறார். காதல் கலந்த பேமிலி படமாக உருவாகிறது. கடந்த சில மாதங்களாக இதன் படப்பிடிப்பு நடந்து வந்த நிலையில் தற்போது படத்தின் மொத்த படப்பிடிப்பும் முடிவடைந்ததாக நடிகர் விஜய் தேவரகொண்டா தனது சமூக வலைதள பக்கத்தில் போட்டோ உடன் பகிர்ந்துள்ளார். ஏப்ரல் 5ம் தேதி படம் ரிலீஸாகிறது.