விஜய் சேதுபதிக்கு வில்லனாகும் நாசர்

தயாரிப்பாளர் தாணு தயாரிப்பில் மிஷ்கின், விஜய் சேதுபதி கூட்டணியில் உருவாகும் திரைப்படம் 'டிரெயின்'. சென்னையில் டிரெயின் அரங்கம் அமைத்து இதன் படப்பிடிப்பு நடத்தி வருகின்றனர்.

இந்த படத்தை சமீபத்தில் அறிவித்த பிறகு இந்த புதிய கூட்டணியின் மீது ரசிகர்களுக்கு பெரும் எதிர்பார்ப்பு உருவாகியுள்ளது. இந்த நிலையில் இந்த படத்தில் வில்லன் கதாபாத்திரத்தில் நாசர் நடிக்கவுள்ளார் என தகவல் வெளியாகியுள்ளது. நாசர் நிறைய தமிழ் படங்களில் குணசித்திர வேடத்திலும், வில்லன் கதாபாத்திரத்திலும் நடித்தவர். ஆனால், சமீபகாலமாக வில்லன் கதாபாத்திரத்தில் அவர் நடிக்கவில்லை. நீண்ட இடைவெளிக்கு பின் இந்த படத்தில் அவர் வில்லனாக நடிக்க உள்ளார்.