அஜித்துக்காக உருவாக்கப்பட்ட டைட்டிலில் அருண் விஜய்
ADDED : 539 days ago
அஜித் நடிப்பில் தீனா என்ற படத்தை இயக்கி அறிமுகமானவர் ஏ.ஆர்.முருகதாஸ். அதன் பிறகு மிரட்டல், ரெட்ட தல என்ற பெயரில் அவரை வைத்து இரண்டு படங்களை இயக்க இருந்தார் முருகதாஸ். ஆனால் சில காரணங்களால் அந்த படங்களில் இருந்து அஜித் நடிக்க முடியவில்லை. அதில் மிரட்டல் என்ற கதையைத்தான் பின்னர் கஜினி என்ற பெயரில் சூர்யாவை வைத்து இயக்கினார் முருகதாஸ்.
இந்த நிலையில் ரெட்ட தல என்ற தலைப்பில் படம் இயக்காமல் 10 ஆண்டுகளாக அந்த டைட்டிலை தன் வசம் வைத்திருந்த ஏ.ஆர்.முருகதாஸ், தற்போது தன்னுடைய உதவியாளர் திருக்குமரன் இயக்கத்தில் அருண் விஜய் ஹீரோவாக நடிக்கும் படத்திற்கு அந்த தலைப்பை கொடுத்திருக்கிறார். இந்த ரெட்ட தல படத்தில் அருண் விஜய்யுடன் தன்யா ரவிச்சந்திரன், சித்தி இத்னாணி ஆகியோர் நாயகிகளாக நடிக்க, சாம் சி.எஸ் இசையமைக்கிறார்.