'கல்கி'யில் பிரபாஸ் நண்பனாக மினி ரோபோ : இந்திய கலைஞர்களால் உருவாகி உள்ளது

பிரபாஸ் நடித்து வரும் பிரமாண்ட பான் இந்தியா படம் 'கல்கி 2898'. இதில் அவருடன் அமிதாப் பச்சன், கமல்ஹாசன், பிரபாஸ், தீபிகா படுகோன், மற்றும் திஷா பதானி போன்ற முன்னணி நட்சத்திரங்கள் நடிக்கிறார்கள். நாக் அஸ்வின் இயக்குகிறார். வைஜெயந்தி மூவிஸ் தயாரிக்கிறது. வருகிற ஜூன் 27ம் தேதி வெளிவருவதாக அறிவிக்கப்பட்டுள்ளது.

இந்த நிலையில் படத்தின் முக்கியமான கேரக்டர்கள் போஸ்டர் மூலம் அறிமுகப்படுத்தப்பட்டு வருகிறது. கடைசியாக அமிதாப்பச்சன் 'அஸ்வத்தமா' என்ற கேரக்டரில் நடிப்பதாக அறிமுகப்படுத்தப்பட்டது. தற்போது படத்தில் பிரபாஸின் நண்பனாக 'புஜ்ஜி' என்ற ரோபோ நடிப்பதாக அறிவிக்கப்பட்டுள்ளது. புஜ்ஜியின் முழுமையான அறிமுகம் வருகிற 22ம் தேதி வெளியாகிறது. இந்த நிலையில் தற்போது வெளியிடப்பட்டுள்ள வீடியோவில் புஜ்ஜியை உருவாக்கிய தொழிலநுட்ப கலைஞர்கள் பேசி உள்ளனர்.