நிகிலுடன் இணைந்த சாயி மஞ்ரேக்கர்

'தபாங் 3' ஹிந்தி படத்தின் மூலம் பாலிவுட்டில் அறிமுகமானவர் சாயி மஞ்ரேக்கர். அதன்பிறகு தெலுங்கு சினிமாவிற்கு வந்தார். கஹானி, மேஜர், ஸ்கந்தா படங்களில் நடித்தவர் தற்போது ஹிந்தி படங்களிலும் நடித்து வருகிறார். இந்த நிலையில் அவர் தெலுங்கில் மீண்டும் நிகில் சித்தார்த்துடன் இணைந்து நடிக்கிறார். இந்த படத்திற்கு 'தி இந்தியா ஹவுஸ்' என்று டைட்டில் வைத்துள்ளனர்.

இதனை நடிகர் ராம் சரண் மற்றும் விக்ரம் ரெட்டியின் வி மெகா பிக்சர்ஸ் நிறுவனம் மற்றும் அபிஷேக் அகர்வால் ஆர்ட்ஸ் நிறுவனத்தின் தயாரிப்பில் உருவாகிறது. ராம் வம்சி கிருஷ்ணா இயக்குகிறார். அனுபம் கெர் முக்கிய கேரக்டரில் நடிக்கிறார். கேமரோன் பிரைசன் ஒளிப்பதிவு செய்கிறார். இதன் படப்பிடிப்பு ஹம்பியில் உள்ள விருப்பாக்ஷா கோவிலில் பூஜையுடன் தொடங்கியது.

படம் குறித்து இயக்குனர் ராம் வம்சி கிருஷ்ணா கூறும்போது “காதல் மற்றும் புரட்சியின் மூலத்தை ஆராயும் 1905 ஆண்டு காலகட்டத்திய கதையை கொண்ட படம். புரட்சியின் உக்கிரமான உணர்வுடன் காதலையும் கலந்து தயாராகிறது” என்றார்.