‛விஜய் 69' படத்தில் இணைந்தார் பாபி தியோல்

விஜய் நடிப்பில் சமீபத்தில் ‛தி கோட்' படம் வெளியாகி வரவேற்பை பெற்றது. இந்த படத்தை அடுத்து வினோத்தின் இயக்கத்தில் தனது 69வது படத்தில் நடிக்கிறார். இந்த படத்துடன் அவர் சினிமாவிற்கு முழுக்கு போட்டுவிட்டு அரசியலுக்கு பயணிக்க உள்ளார். இதனால் அரசியல் சார்ந்த கமர்ஷியல் படமாக உருவாகிறது. பெங்களூரை சேர்ந்த கேவிஎன் நிறுவனம் தயாரிக்க, அனிருத் இசையமைக்கிறார். ஓரிரு நாளில் படப்பிடிப்பை துவங்குகின்றனர்.

இந்நிலையில் படத்தில் நடிக்கும் நடிகர்கள் பற்றிய அறிவிப்பை இன்று(அக்., 1) முதல் வெளியிட துவங்கி உள்ளனர். முதலாவதாக ஹிந்தி நடிகர் பாபி தியோல் நடிப்பதாக அறிவித்துள்ளனர். இவர் படத்தில் வில்லனாக நடிப்பார் என தெரிகிறது. ஏற்கனவே சூர்யா உடன் கங்குவா படத்தில் நடித்துள்ள இவர் அடுத்து விஜய்யின் படத்தில் இணைந்துள்ளார்.