லிப்லாக் முத்த காட்சியில் நடிக்க ஒளிப்பதிவாளர் தான் காரணம் : இனியா

அருண் விசுவல் என்ற புதிய பட நிறுவனம் சார்பில் வி.எம்.ஆர்.ரமேஷ், ஆர்.அருண் இணைந்து தயாரித்திருக்கும் படம் 'ஸ்வீட்டி நாட்டி கிரேஸி'. அறிமுக இயக்குநர் ஜி.ராஜசேகர் இயக்கி உள்ளார். தெலுங்கு நடிகர் திரிகுண் மற்றும் ஸ்ரீ ஜீத்தா கோஷ், இனியா, சுந்தரா டிராவல்ஸ் ராதா, ரவி மரியா, சிங்கம்புலி உள்பட பலர் நடித்துள்ளனர். அருணகிரி இசை அமைத்துள்ளார், விஜயஸ்ரீ ஒளிப்பதிவு செய்துள்ளார். தமிழ் தெலுங்கு என இரு மொழிகளில் வெளியாகிறது. படத்தின் அறிமுக விழா நடந்தது.

இதில் நடிகை இனியா பேசியதாவது: இந்தப்படம் எனக்கு ஸ்பெஷல், நான் நடித்த மூன்று படங்கள் இந்த வாரம் வெளிவந்துள்ளது. என் வாழ்க்கையில் தொடர்ந்து நல்ல விசயங்கள் நடப்பது மகிழ்ச்சி. இப்படத்தில் நந்தினி எனும் பாத்திரத்தில் நடித்துள்ளேன், மூன்று கதாநாயகிகள் நடித்துள்ளோம். ஸ்வீட்டி நாட்டி கிரேஸி யார் யார் என்பதுதான் படத்தின் கதை. பெண் ஒளிப்பதிவாளருடன் பணியாற்றியது மிகப்பெரிய சப்போர்ட்டாக இருந்தது. அதனால்தான் ஹீரோவுடன் லிப் லாக் முத்தக்காட்சி உள்பட நெருக்கமான பல காட்சிகளில் நெருடல் இல்லாமல் நடிக்க முடிந்தது” என்றார்.