'சித்தார்த் 40' படத்தில் இசையமைப்பாளராக இணைந்த பாம்பே ஜெயஸ்ரீ மகன்

8 தோட்டாக்கள், குருதி ஆட்டம் ஆகிய படங்களை இயக்கிய ஸ்ரீ கணேஷ் இயக்கத்தில் சித்தார்த் தனது 40வது படத்தில் நடிக்கின்றார். இதனை மாவீரன் படத்தை தயாரித்த சாந்தி டாக்கீஸ் நிறுவனம் தயாரிக்கிறது. இப்படத்தில் முக்கிய வேடத்தில் நடிகர் சரத்குமார், நடிகைகள் தேவையாணி, மீதா ரகுநாத், சைத்ரா ஆர்ச்சர் ஆகியோர் நடிப்பதாக ஏற்கனவே அறிவிக்கப்பட்டுள்ளனர்.

இந்த நிலையில், இப்படத்திற்கு அம்ரித் ராம்நாத் இசையமைக்க உள்ளதாக படக்குழு அதிகாரப்பூர்வமாக அறிவித்துள்ளது. பின்னணி பாடகி பாம்பே ஜெயஸ்ரீயின் மகனான அம்ரித் ராம்நாத், மலையாளத்தில் பிரணவ் மோகன்லால் நடிப்பில் உருவான 'வர்ஷங்களுக்கு சேஷம்' படத்தில் இடம்பெற்ற 'நியாபகம்' பாடலுக்கு இசையமைத்திருந்தார். அப்பாடல் வரவேற்பை பெற்றிருந்தது. அவர் முதன்முறையாக தமிழ் படத்தில் அறிமுகமாகியுள்ளதால் பாடல்கள் மீதான எதிர்பார்ப்பு அதிகரித்துள்ளது.