யோகி பாபு நடிக்கும் ‛பரலோகத்தில் இருக்கும் எங்கள் பிதாவே'

வர்க்கிங் ஹவுஸ் புரொடக்ஷன் தயாரிக்கும் படம் 'பரலோகத்தில் இருக்கும் எங்கள் பிதாவே'. ஹீரோவாக யோகி பாபு நடிக்கிறார். ஹீரோயின்களாக அறிமுக நடிகைகள் சிம்ரன், சவுமியா, பிரியா நடிக்கிறார்கள். கதை, திரைக்கதை, வசனம் எழுதி முருகேஸ்வர காந்தி இயக்கும் இப்படத்திற்கு கவுதம் ஒளிப்பதிவு செய்கிறார். ஜெப்ரி இசையமைக்கிறார்.

படம் பற்றி இயக்குனர் முருகேஸ்வர காந்தி கூறியதாவது : நல்ல கதைக்களம் கொண்ட மிகப்பெரிய காமெடி திருவிழாவாக மட்டுமின்றி, மக்களை சிரிக்க வைத்து சிந்திக்கவும் வைக்ககூடிய திரைப்படமாக உருவாகும் படம். யோகி பாபு கதையின் நாயகனாக வைத்து நாங்கள் தயாரிக்கும் முதல் படமான 'பரலோகத்தில் இருக்கும் எங்கள் பிதாவே' குடும்பத்துடன் பார்க்க கூடிய காமெடி கமர்ஷியல் படமாக இருக்கும். படத்தின் தலைப்பில் சர்ச்சை இருப்பதாக நான் கருதவில்லை. கதைக்கு பொருத்தமான தலைப்பு. தலைப்பிற்குரிய கண்ணியத்தை படம் காக்கும். என்றார்.