விடுதலை 2 படத்திற்காக எடையை கூட்டிய கென் கருணாஸ்!

நடிகர் கருணாஸின் மகன் கென் கருணாஸ் அசுரன் படத்தின் மூலம் பிரபலமான நடிகராக மாறினார். ஆனால், அதன் பிறகு கென் பெரிதளவில் எந்தவொரு படத்திலும் நடிக்கவில்லை. கல்லூரி படிப்பை நோக்கி பயணித்திருந்தார்.

இந்த நிலையில் வெற்றிமாறன் இயக்கத்தில் சமீபத்தில் திரைக்கு வந்த விடுதலை இரண்டாம் பாகத்தில் கருப்பன் என்கிற கதாபாத்திரத்தில் 10 நிமிடங்கள் தோன்றினாலும் அவரை பாராட்டி வருகின்றனர். தற்போது கென் கருணாஸ் அளித்த பேட்டி ஒன்றில், கூறாயதாவது கருப்பன் கதாபாத்திரம் குறித்து முதன்முறையாக வெற்றிமாறன் கூறியபோது இந்த கதாபாத்திரத்திற்காக கொஞ்சம் எடை கூட்டி வாட்ட சாட்டமாக இருந்தால் நல்லா இருக்கும்னு தோன்றியது. அதற்காக டயட் முறையை பின்பற்றி 15 நாட்களில் 3 கிலோ எடையை கூட்டினேன் .இது குறித்து வெற்றிமாறனிடம் எதுவும் தெரிவிக்கவில்லை. நேரடியாக படப்பிடிப்பில் கேமரா முன்னாடி நின்றபோது வெற்றிமாறன் என்னடா பெரிய மனுஷன் மாதிரி இருக்கனு ஆச்சரியமாக கேட்டார் .அதற்கு இந்த படத்திற்காக தான் என கூறியதும் மகிழ்ச்சியாக சரி என்றார் என கென் கருணாஸ் தெரிவித்துள்ளார்.