ராம் பொத்தினேனி படத்தில் மோகன்லால்?
ADDED : 356 days ago
தெலுங்கில் 'மிஸ் ஷெட்டி மிஸ்டர் பொலி ஷெட்டி' பட இயக்குனர் மகேஷ் குமார் இயக்கத்தில் ராம் பொத்தினேனியின் 22வது படம் உருவாகிறது. இதில் கதாநாயகியாக பாக்ய ஸ்ரீ பெரோஸ் நடிக்கின்றார். இந்த படத்திற்கு விவேக், மெர்வின் இசையமைக்கின்றனர்.
தற்போது இந்த படத்தில் ஒரு சிறப்பு தோற்றத்தில் நடிக்க மலையாள நடிகர் மோகன்லாலுடன் பேச்சு வார்த்தை நடத்தி இறுதி கட்டத்தில் உள்ளதாக தகவல்கள் தெரிவிக்கின்றனர். ஆனால், இவருக்கு முன்பு சிறப்பு தோற்றத்தில் நடிக்க ரஜினிகாந்த் மற்றும் நந்தமுரி பாலகிருஷ்ணாவிடம் பேச்சு வார்த்தை துவங்கி அவர்கள் நிராகரித்துவிட்டதாக கூறப்படுகிறது.