அடுத்தடுத்து தமிழில் பட வாய்ப்புகளை பெறும் மமிதா பைஜூ

மலையாள சினிமாவில் வளர்ந்து வரும் இளம் நடிகை மமிதா பைஜூ. தமிழில் ஏற்கனவே இவர் ஜிவி பிரகாஷ் உடன் நடித்து 'ரெபல்' எனும் படம் வெளியானது. தற்போது தமிழில் விஷ்ணு விஷாலின் 21வது படம் , விஜய்யின் 69வது படம் , பிரதீப் ரங்கநாதனின் புதிய படம் ஆகிய படங்களில் மமிதா நடித்து வருகிறார்.

இதை தொடர்ந்து மற்றொரு புதிய படத்தில் நடிக்க மமிதா பைஜூ ஒப்பந்தம் ஆகியுள்ளார். இட்லி கடை, சிவகார்த்திகேயனின் 25 வது படங்களை தயாரித்து வரும் டான் பிக்சர்ஸ் நிறுவனர் ஆகாஷ் பாஸ்கரன் இயக்கும் முதல் படத்தில் இவர் இணைந்துள்ளார். நடிகர் அதர்வாவை நாயகனாக வைத்து உருவாகி வரும் இப்படத்தில் மமிதா பைஜூ கதாநாயகியாக ஒப்பந்தமாகி நடித்து வருவதாக தகவல்கள் தெரிவிக்கின்றன.