பாலகிருஷ்ணாவிற்கு ஜோடியாக சம்யுக்தா மேனன்
ADDED : 291 days ago
இயக்குனர் போயப்பட்டி ஸ்ரீனு மற்றும் நடிகர் நந்தமுரி பாலகிருஷ்ணா கூட்டணியில் ஏற்கனவே சிம்மா, லெஞ்சன்ட், அகண்டா போன்ற படங்கள் வெளியாகி வெற்றி படமாக அமைந்தன. அதிலும் கடைசியாக வெளிவந்த 'அகண்டா' படத்தின் பெரிய வெற்றியைத் தொடர்ந்து அகண்டா 2ம் பாகத்தை அறிவித்தனர். 14 ரீல்ஸ் ப்ளஸ் நிறுவனம் இப்படத்தை தயாரிக்கின்றனர். இந்த பாகத்திற்கும் தமன் தான் இசையமைக்கிறார் .
சமீபத்தில் இந்த படத்தின் படப்பிடிப்பை பிராய்க்ராஜில் நடைபெற்று வரும் மகா கும்பமேளா நிகழ்வில் தொடங்கினர். தற்போது இந்த படத்தில் கதாநாயகியாக நடிக்க நடிகை சம்யுக்தா இணைந்துள்ளதாக கூறப்படுகிறது. இவர் மலையாளத்தில் பல படங்களில் நடித்திருந்தாலும் தமிழில் வாத்தி மற்றும் தெலுங்கில் டெவில், விஷ்வாம்பர, பிம்பிசாரா உள்ளிட்ட படங்களில் நடித்துள்ளார்.