பிரபாஸ் படத்தில் நடிக்க காரணம் இது தான் : மாளவிகா மோகனன்

தமிழில் பேட்ட, மாஸ்டர், மாறன், தங்கலான் போன்ற படங்களில் நடித்தவர் மாளவிகா மோகனன். தற்போது கார்த்தி உடன் சர்தார் 2 படத்தில் நடிக்கிறார். மேலும் தெலுங்கில் முதன்முதலாக பிரபாஸ் உடன் இணைந்து ‛தி ராஜா சாப்' என்ற படத்தில் நடித்து வருகிறார். மாருதி இயக்கும் இப்படத்தில் நிதி அகர்வால், சஞ்சய் தத் ஆகியோரும் நடிக்கின்றனர். பான் இந்தியா படமாக தயாராகிறது.

மாளவிகா கூறுகையில், ‛‛பொதுவாக பெரிய ஹீரோக்கள் படங்களில் நாயகிக்கு குறைவான காட்சிகளே இருக்கும். ஆனால் இந்த படத்தில் நான் படம் முழுதும் வருகிறேன். மேலும் இதுவரை நான் நடித்திராத ஹாரர் வகை காமெடி படம். அதனால் இந்த படத்தில் நடிக்கும் ஆர்வம் இன்னும் அதிகமானது. பிரமாண்ட படத்தில் இதுமாதிரியான கேரக்டர் எல்லாம் எப்போதாவது ஒருமுறை தான் அமையும்'' என்றார்.