23 ஆண்டுகளுக்குப் பிறகு மீண்டும் ஹரி இயக்கத்தில் நடிக்கும் பிரசாந்த்

2002ம் ஆண்டில் ஹரி இயக்கிய முதல் படம் தமிழ். இந்த படத்தில் பிரசாந்த் நாயகனாக நடிக்க அவருக்கு ஜோடியாக சிம்ரன் நடித்திருந்தார். அதையடுத்து சாமி, கோவில், ஐயா, சிங்கம் என பல ஹிட் படங்களை இயக்கிய ஹரி, கடைசியாக விஷால் நடிப்பில் ரத்னம் என்ற படத்தை இயக்கியிருந்தார். இந்த படம் கடந்த 2024ம் ஆண்டு ஏப்ரல் மாதம் திரைக்கு வந்தது.

இந்த நிலையில் அடுத்தபடியாக தனது முதல் பட ஹீரோவான பிரசாந்த்தை வைத்து புதிய படத்தை இயக்க போகிறார் ஹரி. இந்த படத்தில் பிரசாந்துக்கு ஜோடியாக நடிக்க பூஜா ஹெக்டே, கயாடு லோகர் ஆகியோரிடத்தில் பேச்சுவார்த்தை நடக்கும் நிலையில், இப்படம் குறித்த அறிவிப்பு பிரசாந்தின் பிறந்தநாளான நாளை (ஏப்ரல் 6) வெளியாக இருப்பதாக தகவல்கள் வெளியாகி உள்ளன.