4 காமெடி நடிகர்கள் மே 16ல் மோதல்

கோடை விடுமுறை தொடங்கிவிட்டதால் இந்த மாதம் அதிக படங்கள் ரிலீஸ் ஆகின்றன. மே 16ம் தேதி சந்தானம் நடித்த டிடி நெக்ஸ்ட் லெவல், சூரி நடித்த மாமன், யோகி பாபு நடித்த ஜோரா கைதட்டுங்க ஆகிய 3 படங்கள், அதாவது 3 காமெடி நடிகர்கள் மோதுவதாக இருந்தன. இப்போது இந்த போட்டியில் வடிவேலும் சேர்ந்துவிட்டார்.

தஹா இயக்கத்தில் முரளி, வடிவேலு நடித்த காமெடி படமான சுந்தரா டிராவல்ஸ் படமும் அன்று ரீ-ரிலீஸ் என்று படத்தின் தயாரிப்பாளர் தங்கராஜ் அறிவித்துள்ளார். 2002ம் வெளியான இந்த படம் அப்போது வடிவேலு காமெடிக்காக பேசப்பட்டது. பெரிய வெற்றி அடைந்தது. இப்போது வடிவேலு நடித்த கேங்கர்ஸ் வெற்றி பெற்றதால் சுந்தரா டிராவல்ஸ் படத்தை புத்தம் புது பொலிவுடன் ரீ ரிலீஸ் செய்கிறார்கள்.