மாஸ்டர் 2ம் பாகத்தை விரும்பும் லோகேஷ்

லோகேஷ் கனகராஜ் தற்போது நடிகர் ரஜினிகாந்தை வைத்து 'கூலி' படத்தை இயக்கியுள்ளார். இதில் ஸ்ருதிஹாசன், சத்யராஜ், நாகார்ஜுனா, உபேந்திரா உள்ளிட்ட ஏகப்பட்ட நட்சத்தரிங்கள் நடித்துள்ளனர். அனிருத் இசையமைக்கிறார். இதன் படப்பிடிப்பு முடிந்து மற்ற பணிகள் துவங்கி உள்ளன. ஆக., 14ல் படம் ரிலீஸாக உள்ளது.

இந்நிலையில் லோகேஷ் கனகராஜ் அளித்த பேட்டி ஒன்றில் கூறியதாவது, ரசிகர்கள் நான் லியோ படத்தின் இரண்டாம் பாகத்தை இயக்க வேண்டும் என விரும்புகின்றனர். ஆனால் நான் மாஸ்டர் படத்தின் இரண்டாம் பாகத்தை இயக்க விரும்புகிறேன். விஜய்யை நான் ஜே.டி., ஆக பார்க்க மிகவும் பிடிக்கும். மாஸ்டர் படத்தில் இன்னும் சொல்ல வேண்டிய பகுதிகள் நிறைய இருக்கிறது என நினைக்கிறேன். அது விஜய்க்கும் தெரியும் என தெரிவித்துள்ளார். இந்த வீடியோ சமூக வலைதளங்களில் வைரலாகி வருகிறது.