பிளாஷ்பேக்: ஹிந்தி, தெலுங்கில் ரீமேக் ஆன மேஜர் சுந்தரராஜன் படம்
ADDED : 108 days ago
குணச்சித்திரம் மற்றும் வில்லன் நடிகராக புகழ் பெற்றவர் மேஜர் சுந்தர்ராஜன். 300க்கும் மேற்பட்ட படங்களில் நடித்துள்ளார் 6 படங்களை இயக்கி உள்ளார். அவர் இயக்கிய படங்களில் ஓரளவிற்கு வரவேற்பு பெற்ற படம் அவரது முதல் படமான 'அந்த ஒரு நிமிடம்'. இந்த படம் தெலுங்கில் 'டொங்கலா வேட்டக்காடு' என்ற பெயரிலும், ‛மகான்' என்ற பெயரில் ஹிந்தியிலும் ரீமேக் செய்யப்பட்டது.
இந்த படத்தில் கமல்ஹாசன், ஊர்வசி, அஞ்சு மகேந்திரன், ஜெயமாலினி, அனுராதா, பண்டரிபாய், வேணு அரவிந்த் உள்பட பலர் நடித்திருந்தார்கள். மேஜர் சுந்தர்ராஜன் வில்லனாக நடித்திருந்தார். இளையராஜா இசையமைத்திருந்தார்.
போலீஸ் விசாரணையில் நீதி கிடைக்காத ஒரு கொலை வழக்கை ஒரு வழக்கறிஞரே கண்டுபிடித்து நீதியை நிலைநாட்டுவது தான் படத்தின் கதை. அந்த இளம் வழக்கறிஞராக கமல்ஹாசன் நடித்திருந்தார். அவரது காதலியாக ஊர்வசி நடித்திருந்தார். இளையராஜாவின் பாடல்கள் ஹிட்டானது. என்றாலும் படம் சுமாரான வரவேற்பை பெற்றது.