'ஹவுஸ் மேட்ஸ்' மூலம் தமிழுக்கு வரும் அர்ஷா பைஜு
ADDED : 104 days ago
வளர்ந்து வரும் மலையாள நடிகை அர்ஷா பைஜு. ஆலப்புழா அருகே உள்ள மன்னாரில் பிறந்தவர். 'பேமிலி' என்ற மலையாள படத்தில் அறிமுகமாகி அதன் பிறகு குர்பானி, மதுரா மனோகர மோகன், முகுந்தன் உன்னி அசோசியேட்ஸ் உள்ளிட்ட பல படங்களில் நடித்தார். தற்போது 'ஹவுஸ் மேட்ஸ்' மூலம் தமிழுக்கு வருகிறார். இதில் அவர் தர்ஷன் ஜோடியாக நடிக்கிறார்.
இவர்களுடன் காளி வெங்கட், வினோதினி, தீனா நடித்துள்ளனர். டி.ராஜவேல் இயக்கி இருக்கிறார். பிளேஸ்மித் ஸ்டூடியோஸ் சார்பில் எஸ்.விஜய பிரகாஷ் தயாரித்துள்ளார். எம்.எஸ்.சதீஷ் ஒளிப்பதிவு செய்துள்ள இந்தப் படத்துக்கு ராஜேஷ் முருகேசன் இசையமைத்துள்ளார். சிவகார்த்திகேயன் புரொடக்ஷன்ஸ் வருகிற ஆகஸ்ட் 1ம் தேதி வெளியிடுகிறது.
தமிழில் அறிமுகமாவது குறித்து அர்ஷா பைஜு கூறும்போது தமிழில் இது என்னுடைய முதல் படம். என்னை நம்பி இந்த கதாபாத்திரம் கொடுத்த ராஜவேல் அண்ணனுக்கு நன்றி. சிறப்பான குழுவோடு பணியாற்றி இருக்கிறேன். தர்ஷன் சிறந்த கோ- ஆக்டர். கடின உழைப்பாளி. காளி வெங்கட், வினோதினி போன்ற திறமை வாய்ந்த நடிகர்களுடன் நடித்தது மகிழ்ச்சி என்றார்.