ரிஷப் ஷெட்டியின் புதிய படத்தின் அப்டேட்!

கன்னட நடிகர் ரிஷப் ஷெட்டி 'கந்தாரா' படத்தின் மாபெரும் வெற்றிக்குப் பிறகு இந்திய சினிமா அளவில் கவனம் பெறும் நடிகராக மாறியுள்ளார். தற்போது அவர் கைவசமாக 'கந்தாரா சாப்டர் 1, ஜெய் ஹனுமான், சத்ரபதி சிவாஜி மகாராஜ்' போன்ற பான் இந்திய படங்கள் உள்ளது.

இந்த நிலையில் ரிஷப் ஷெட்டி மற்றொரு பான் இந்திய படத்தில் நடிக்கவுள்ளார் என இன்று அறிவிப்பு வெளியாகியுள்ளது. அதன்படி, தெலுங்கில் பிரபல தயாரிப்பு நிறுவனமான சித்தாரா எண்டர்டெயின்மெண்ட் நிறுவனம் தயாரிக்கும் 36வது படத்தில் ரிஷப் ஷெட்டி கதாநாயகனாக நடிக்கிறார். இந்த படத்தை அஸ்வின் கங்கராஜூ என்பவர் இயக்குகிறார். இவர் ஏற்கனவே ஆகாசவாணி என்கிற படத்தை இயக்கியுள்ளார். மேலும், இவர் ராஜமவுலியின் 'நான் ஈ, பாகுபலி 1,2' போன்ற படங்களில் இணை இயக்குநர் ஆக பணியாற்றியவர் என்பது குறிப்பிடத்தக்கது.