'மெட்ராஸ் மேட்னி' குழுவினரை அழைத்துப் பாராட்டிய சிவகார்த்திகேயன்

தமிழ் சினிமாவில் வெளியாகும் சில நல்ல படங்களின் குழுவினரை அழைத்து பாராட்டுவதை வழக்கமாக வைத்திருக்கிறார் சிவகார்த்திகேயன். இதற்கு முன்பும் சில படக்குழுவினரை அழைத்துப் பாராட்டியவர் தற்போது, 'மெட்ராஸ் மேட்னி' படக்குழுவினரை அழைத்துப் பாராட்டியிருக்கிறார்.

காளி வெங்கட், ரோஷினி ஹரிப்ரியன் மற்றும் பலர் நடிப்பில் கார்த்திகேயன் மணி இயக்கத்தில் கடந்த ஜூன் மாதம் வெளியான படம் இது. ஓரளவிற்கு நல்ல விமர்சனங்கள் இப்படத்திற்குக் கிடைத்தாலும் பெரிய அளவில் கவனத்தை ஈர்க்கவில்லை.

சிவகார்த்திகேயன் படத்தைப் பார்த்த பிறகு, “ரசித்தேன், உண்மையாகவும், உணர்வுபூர்வமாகவும் இருந்தது,” எனப் பாராட்டியதாக படக்குழுவினர் தெரிவித்துள்ளனர்.