தமிழ் சினிமாவிற்கு புதிய வில்லன்

எம்.பி.ஆர். பிலிம்ஸ் மற்றும் ஸ்கை லைன் சினிமாஸ் இணைந்து தயாரித்து, அறிமுக இயக்குனர் பித்தாக் புகழேந்தி இயக்கத்தில் பாடகர் மனோ மகன் துருவன், மீனாட்சி, ஆர்.கே.சுரேஷ் முதன்மை வேடத்தில் நடித்துள்ள படம் ‛வட்டக்கானல்'. விரைவில் ரிலீசாக உள்ள இப்படத்தில், நெய்வேலியை சேர்ந்த ஆர்.கே. வரதராஜ் வில்லத்தனமான பிரதான வேடத்தில் நடித்துள்ளார்.

தமிழில் சிறு சிறு வேடங்களில் நடித்து வந்த ஆர்.கே.வரதராஜ், இப்படத்தின் மூலம் வில்லன் அவதாரம் எடுத்துள்ளார். இவரின் வித்தியாசமான தோற்றம், வில்லத்தனமான நடிப்பு ரசிகர்களை கவரும் என்கின்றனர். மேலும், இவரின் நடிப்பு திறமையை அறிந்து மேலும் இரண்டு படங்களில் அவர் கமிட்டாகியுள்ளாராம்.