'ஸ்பைடர்' தோல்வி என் பயணத்தைத் தடுத்தது : ரகுல் ப்ரீத் சிங்

ஏஆர் முருகதாஸ் இயக்கத்தில், மகேஷ்பாபு, ரகுல் ப்ரீத் சிங், எஸ்ஜே சூர்யா மற்றும் பலர் நடிப்பில் தமிழ், தெலுங்கில் ஒரே நேரத்தில் தயாராகி 2017ல் வெளிவந்த படம் 'ஸ்பைடர்'. இப்படம் இரண்டு மொழிகளிலுமே படுதோல்வியைத் தழுவியது. இப்படம் மூலம் பிறந்து வளர்ந்த தமிழிகத்தில் தடம் பதிக்கலாம் என நினைத்த மகேஷ்பாபுவுக்கு மிகப் பெரும் ஏமாற்றமே மிஞ்சியது.

இப்படத்தில் நடிப்பதற்கு முன்பு தெலுங்கில் முன்னணி நடிகையாக இருந்தவர் ரகுல் ப்ரீத் சிங். அவர் சமீபத்திய பேட்டி ஒன்றில், 'ஸ்பைடர்' படத்தின் தோல்வி எனது திரையுலகப் பயணத்தைத் தடுத்து நிறுத்தியது. இயக்குனர் முருகதாஸ், மகேஷ்பாபு கூட்டணி மிகப் பெரும் வெற்றியைத் தரும் என எதிர்பார்த்திருந்தேன் என்றும் அவர் கூறியிருக்கிறார்.

அப்படத் தோல்விக்குப் பிறகு ரகுலுக்கு தெலுங்கில் குறிப்பிடத்தக்க வாய்ப்புகள் வரவில்லை. கடந்த சில வருடங்களாகவும் அவர் எந்த தெலுங்குப் படத்திலும் நடிக்கவில்லை.

தமிழில், “யுவன், தடையறத் தாக்க, புத்தகம், என்னமோ ஏதோ, தீரன் அதிகாரம் ஒன்று, தேவ், இந்தியன் 2,' ஆகிய படங்களில் நடித்துள்ளார் ரகுல்.