2026ல் ஓணம் பண்டிகைக்கு வெளியாகும் நிவின் பாலி, மமிதா பைஜூ படம்
ADDED : 12 hours ago
பிரேமலு படத்தின் வெற்றிக்குப் பிறகு இயக்குனர் கிரிஷ் ஏ.டி, ‛பிரேமலு 2'ம் பாகத்திற்கான பணிகளில் ஈடுபட்டு வந்தார். அந்த கதையில் திருப்தி இல்லாததால் தற்காலிகமாக அதன் பணிகள் நிறுத்தி வைக்கப்பட்டது.
இதையடுத்து கிரிஷ் ஏ.டி இயக்கும் புதிய படத்தில் மலையாள நடிகர் நிவின் பாலி கதாநாயகனாக நடிக்கிறார். இதில் கதாநாயகியாக பிரேமலு மமிதா பைஜூ நடிக்கிறார். இதை பஹத் பாசில் தயாரிக்கிறார். இதற்கு ' பெத்லெம் குடும்ப யூனிட்' என தலைப்பு வைத்துள்ளனர் என ஏற்கனவே அறிவிப்பு வெளியானது.
தற்போது இந்த படத்திற்கான இசையமைக்கும் பணிகள் நடைபெற்று வருகிறது. இதன் படப்பிடிப்பை 2026ம் ஆண்டு மார்ச் மாதத்தில் துவங்கி, 2026 ஆகஸ்ட் மாதத்தில் ஓணம் பண்டிகையை முன்னிட்டு திரைக்கு கொண்டு வர திட்டமிட்டுள்ளனர் என தகவல் வெளியாகியுள்ளது.