மீண்டும் இணையும் விஜய் சேதுபதி - தியாகராஜன் குமாரராஜா! நாளை பர்ஸ்ட் லுக்!

'ஸ்லம் டாக் 33 டெம்பிள் ரோடு' என்ற படத்தை அடுத்து வெற்றிமாறன் இயக்கி வரும் 'அரசன்' படத்தில் சிம்புவுடன் இணைந்து நடித்து வருகிறார் விஜய் சேதுபதி. அதோடு ரஜினியின் 'ஜெயிலர்-2' படத்திலும் ஒரு கெஸ்ட் ரோலில் நடிக்கும் விஜய் சேதுபதி, பாலாஜி தரணிதரன் இயக்கத்தில் பெயரிடப்படாத படத்திலும் நடித்து வருகிறார்.

அடுத்தபடியாக தியாகராஜன் குமாரராஜா இயக்கும் படத்தில் நடிக்கப் போகிறார். 'ஆரண்ய காண்டம்' படத்தை அடுத்து அவர் இயக்கிய 'சூப்பர் டீலக்ஸ்' படத்தில் நடித்திருந்தார் விஜய் சேதுபதி. அந்த படத்தில் அவர் 'ஷில்பா' என்ற திருநங்கை வேடத்தில் நடித்திருந்தார். இந்த வேடம் பெரிய அளவில் பேசப்பட்டது. அதற்காக தேசிய விருதையும் பெற்றார் விஜய் சேதுபதி.

அதேபோல் தியாகராஜன் குமாரராஜா இயக்கும் இந்த புதிய படத்திலும் ஒரு வித்தியாசமான வேடத்தில் விஜய் சேதுபதி நடிப்பதாக கூறப்படுகிறது. இந்த நிலையில் அவர்கள் இருவரும் இணையும் இந்த புதிய படத்தின் பர்ஸ்ட் லுக் போஸ்டர் பிப்ரவரி 16ம் தேதியான நாளை வெளியாக இருப்பதாக அறிவிக்கப்பட்டுள்ளது.