அடுத்தடுத்து திரைக்கு வரும் திரிஷா படங்கள்

தக் லைப் படத்திற்கு பிறகு சூர்யாவுக்கு ஜோடியாக திரிஷா நடித்துள்ள படம் கருப்பு. ஆர்.ஜே.பாலாஜி இயக்கியுள்ள இந்த படத்தை ட்ரீம் வாரியர்ஸ் பிக்சர்ஸ் தயாரித்துள்ளது. வருகிற ஏப்ரலில் படம் வெளியாகிறது. இதற்கடுத்து சிரஞ்சீவிக்கு ஜோடியாக விஸ்வாம்பரா என்ற படத்திலும், மோகன்லாலுக்கு ஜோடியாக ராம் என்ற படத்திலும் நடித்து முடித்திருக்கிறார் திரிஷா. இதில் சிரஞ்சீவியுடன் அவர் நடித்திருக்கும் விஸ்வாம்பரா படத்தின் படப்பிடிப்பு முடிந்து விஎப்எக்ஸ் பணிகள் நடைபெற்று வருகிறது. இந்த படத்தின் டீசர் சமீபத்தில் வெளியாகி விமர்சனங்களை சந்தித்தது. இந்நிலையில் இந்த படத்தின் ரிலீஸ் குறித்த அறிவிப்பு தெலுங்கு வருடப்பிறப்பான யுகாதிக்கு அறிவிக்கப்பட உள்ளது. அநேகமாக இப்படம் ஜூலை 10-ல் வெளியாகும் என்று டோலிவுட்டில் ஒரு தகவல் வெளியாகியுள்ளது.