ஆந்தாலஜி கதையில் உருவாகும் 'வவ்வல்ஸ்'

கன்னட தயாரிப்பாளர் ராஜு ஷெரேகர் தயாரித்துள்ள தமிழ் படம் 'வவ்வல்ஸ்'. 5 கதைகளை கொண்ட இந்த ஆந்தாலஜி படத்தை திலிப்குமார், சங்கீத், ஹேமந்த் குமார், சந்தோஷ் ரவி மற்றும் ஜெகன் ராஜேந்திரன் ஆகிய ஐந்து இயக்குநர்கள் இயக்கியுள்ளனர். யூகி சேது, சின்னி ஜெயந்த், சம்யுக்தா விஸ்வநாதன், ராஜ் அய்யப்பா, தீபக் பரமேஷ் உள்ளிட்ட பலர் நடித்துள்ளனர். சரவண சுப்ரமணியம் இசையமைத்துள்ளார். மார்ச் 13 அன்று திரையரங்குகளில் வெளியாகிறது.

“இந்த படத்தில் 5 விதமான காதல் கதைகள் இருக்கிறது. ஒவ்வொன்றும் தனிதன்மையான காதல் கதை. இன்றைய இளைஞர்களின் மனவோட்டத்தையும், காதல் குறித்த அவர்கள் பார்வையையும் காட்டும் படம். இந்த 5 காதல்களில் ஏதாவது ஒன்றையாவது இன்றைய இளைஞர்கள் கடந்து சென்றிருப்பார்கள். இது இளைஞர்களுக்கான படம் மட்டும் அல்ல. இன்றைய இளைஞர்களை புரிந்து கொள்ள பெரியவர்களுக்கான படமும் கூட” என்கிறார் தயாரிப்பாளார் ராஜு ஷெரேகா.