அமெரிக்காவில் இளையராஜா இசை சுற்றுப்பயணம்

இளையராஜாவின் 50 ஆண்டு திரையிசை பயணத்தை முன்னிட்டு அமெரிக்காவில் 10 நாள் சுற்றுப் பயணம் செய்து இசை நிகழ்ச்சிகளை நடத்துகிறார். வருகிற ஆகஸ்ட் மாதத்தில், அமெரிக்கா மற்றும் கனடாவை உள்ளடக்கிய 10க்கும் மேற்பட்ட நகரங்களில் அவர் நேரடியாக இசை நிகழ்ச்சிகளை நடத்த உள்ளார்.

நியூ ஜெர்சி, வாஷிங்டன், சிகாகோ, அட்லாண்டா, டாலஸ் , ஹூஸ்டன், சீயாட்டில், சான் ஜோசே, டொரான்டோ மற்றும் மான்ட்ரியல் ஆகிய நகரங்களில் நடக்கும் இந்த கச்சேரிகள் முழுமையான ஆர்க்கெஸ்ட்ரா அனுபவமாக வடிவமைக்கப்பட்டுள்ளன.

இந்த கச்சேரி வருவாயின் ஒரு பகுதி, இசையின் மூலம் மனநலம் மற்றும் நல வாழ்வை மேம்படுத்தும் பணிகளுக்காக வழங்கப்படுவதாக அறிவிக்கப்பட்டுள்ளது. இதனை சரிகம மற்றும் மெர்குரி நிறுவனங்கள் நடத்துகிறது.