'ஜெயிலர் 2' படப்பிடிப்பு நிறைவு

நெல்சன் திலீப்குமார் இயக்கத்தில், அனிருத் இசையமைப்பில், ரஜினிகாந்த் நடிக்கும் 'ஜெயிலர் 2' படத்தின் படப்பிடிப்பு நிறைவடைந்துள்ளது.

2023ம் ஆண்டு வெளிவந்து 600 கோடிக்கும் அதிகமாக வசூலித்த 'ஜெயிலர்' படத்தின் இரண்டாம் பாகமாக இப்படம் உருவாகி வருகிறது. கடந்த வருடம் ஜனவரி மாதம் அதிகாரப்பூர்வமாக அறிவிக்கப்பட்டு மார்ச் மாதம் இப்படத்தின் படப்பிடிப்பு ஆரம்பமானது. சுமார் ஒரு வருட காலமாக நடந்து வந்த படப்பிடிப்பு தற்போது நிறைவடைந்திருக்கிறது.

படப்பிடிப்பு முடிவடைந்ததை முன்னிட்டு அடுத்து படத்தின் அப்டேட்டுகள் வெளியாகும் என ரசிகர்கள் ஆவலுடன் இருக்கின்றனர். இந்த வருடத்தில் அதிகம் எதிர்பார்க்கப்படும் படங்களில் இந்தப் படம்தான் முதலிடத்தில் இருக்கிறது.