இன்னும் 30 நாட்கள் : பெத்தி புதிய போஸ்டர் வெளியீடு
ADDED : 8 hours ago
புச்சிபாபு சனா இயக்கத்தில் ராம்சரண் நடித்துள்ள படம் பெத்தி. இதில் அவருடன் ஜான்வி கபூர், சிவராஜ் குமார், ஜெகபதி பாபு, சாய்குமார் ஆகியோர் முக்கிய வேடங்களில் நடிக்க, ஏ.ஆர்.ரஹ்மான் இசையமைத்திருக்கிறார். இப்படத்தின் முன்பதிவுகள் அமெரிக்காவில் மே 7ம் தேதி அன்று தொடங்க உள்ளது. விரைவில் திரையரங்குகளில் பெத்தி படத்தின் டிரைலர் வெளியாக உள்ளது.
இந்நிலையில் பெத்தி படம் திரைக்கு வர 30 நாட்கள் உள்ள நிலையில், இன்றைய தினம் இப்படத்தின் விளம்பரங்களுக்கான களத்தை அமைக்கும் விதமாக தயாரிப்பாளர்கள் தற்போது ராம் சரணின் புதிய போஸ்டரை வெளியிட்டுள்ளார்கள். அந்த புதிய போஸ்டரில் , ஒரு கரும்பு தொழிற்சாலை அருகில் கையில் சுருட்டு பிடித்தபடி புன்னகையுடன் மகிழ்ச்சியாக காணப்படுகிறார் ராம்சரண்.