அப்பாவுக்கு பிறந்தநாள் வாழ்த்து சொன்ன விஷால்

நடிகர் விஷாலின் அப்பாவும் தயாரிப்பாளருமான ஜி.கே.ரெட்டிக்கு இன்று (ஜூன் 7) பிறந்தநாள். இதனையடுத்து விஷால் வெளியிட்ட வாழ்த்து செய்தி: இனிய அப்பா ஜி.கே.ரெட்டி என் சிறந்த நண்பர், வழிகாட்டி, ஊக்கசக்தி மற்றும் எல்லாவற்றிற்கும் மேலானவருக்கு இனிய பிறந்தநாள் நல்வாழ்த்துகள். உங்களுக்கு மகிழ்ச்சியும், அமைதியும், நல்ஆரோக்கியமும் மட்டுமே கிடைக்க வாழ்த்துகிறேன்.

​வாழ்க்கையின் அத்தனை ஏற்ற இறக்கங்களையும் நீங்கள் பார்த்திருக்கிறீர்கள். தனிப்பட்ட முறையிலும், தொழில்முறையிலும் ஒரு அர்த்தமுள்ள வாழ்க்கையை எப்படி வாழ வேண்டும் என்பதை எனக்குப் புரிய வைத்தவர் நீங்கள். எல்லாவற்றிற்கும் மேலாக, மனிதகுலத்திற்குச் செய்யும் ஆன்மாவைத் தொடும் சமூக சேவையின் முக்கியத்துவத்தை எனக்குள் விதைத்தவரும் நீங்கள்தான்.

​உங்களுடைய உடற்தகுதி மற்றும் சுய பாதுகாப்பு முறையை என்னால் ஒருபோதும் முழுமையாக ஈடுகட்ட முடியாது, ஆனாலும் என் சிறந்த உழைப்பைக் கொடுத்து வருகிறேன். மாஸ்டர்ஸ் தடகளப் போட்டிகளில் நீங்கள் தொடர்ந்து பல பதக்கங்களை வென்று, அதை என்னிடம் காட்டி என்னை பொறாமைப்பட வைக்க வேண்டும் என்று விரும்புகிறேன்.
​
கடந்த பத்து வருடங்களாக நீங்கள் பார்க்க ஆசைப்பட்ட அந்த நினைவுச் சின்னத்தை உங்களுக்குக் காட்டுவதற்கு இன்னும் இரண்டே மாதங்கள் தான் உள்ளன. தொடர்ந்து எங்களை ஊக்குவித்துக் கொண்டே இருங்கள். நீங்கள் 100 ஆண்டுகளுக்கும் மேலாக மகிழ்ச்சியோடு வாழ வேண்டும் என்பதே என் ஆசை... இறைவன் உங்களை ஆசீர்வதிக்கட்டும். இவ்வாறு அதில் கூறியுள்ளார்.