'கருப்பு' - இந்த வாரம் ஓடிடியில் ரிலீஸ்

சூர்யா, த்ரிஷா, ஆர்ஜே பாலாஜி மற்றும் பலர் நடிப்பில் மே 15ல் வெளியான படம் 'கருப்பு'. இப்படம் தமிழ், தெலுங்கில் நல்ல வரவேற்பைப் பெற்று 300 கோடிக்கும் அதிகமாக வசூலித்தது. தற்போதும் தியேட்டர்களில் ஓடிக் கொண்டிருக்கிறது.

இந்நிலையில் இப்படம் ஓடிடி தளத்தில் இந்த வாரம் வெளியாகும் என்று எதிர்பார்க்கப்படுகிறது. இப்படத்தின் ஓடிடி உரிமையைப் பெற்றுள்ள அமேசான் பிரைம், நேற்று “காட் மோட் ஆன்” என்ற ஒரு போஸ்டரை வெளியிட்டுள்ளது.

இந்த வாரம் ஜூன் 12ம் தேதி வெளியாகும் எனத் தெரிகிறது. ஓடிடியில் தமிழ், தெலுங்கு, மலையாளம், கன்னடம், ஹிந்தி உள்ளிட்ட மொழிகளில் வெளியாகலாம். தியேட்டர்களில் வரவேற்பைப் பெற்ற இப்படம் ஓடிடி தளத்திலும் பெறும் என எதிர்பார்க்கப்படுகிறது.