மீண்டும் ஹீரோயினாகும் வனிதா
ADDED : 1752 days ago
விஜய்யுடன் சந்திரலேகா படத்தில் ஹீரோயினாக அறிமுகமானவர் வனிதா விஜயகுமார். அதையடுத்து மாணிக்கம் உள்பட பல படங்களில் நடித்தார். எம்ஜிஆர் சிவாஜி ரஜினி கமல் என்ற பெயரில் ஒரு படத்தையும் தயாரித்தார். சமீபகாலமாக சின்னத்திரை நிகழ்ச்சிகள் மற்றும் யுடியூப் சேனல் நடத்தி வரும் வனிதா, மூன்றாவதாக பீட்டர் பால் என்பவரை திருமணம் செய்து கொண்டு சில மாதங்களிலேயே அவரை விட்டு பிரிந்தார்.
இப்படியான நிலையில், தற்போது 40 வயதை எட்டியுள்ள வனிதா விஜயகுமாருக்கு 'அனல் காற்று' என்ற படத்தில் கதையின் நாயகியாக நடிக்கும் வாய்ப்பு கிடைத்துள்ளது. பாபி சிம்ஹா, கீர்த்தி சுரேஷ் நடித்த பாம்பு சட்டை என்ற படத்தை இயக்கிய ஆதம் தாசன் இந்த படத்தை இயக்குகிறார். இதற்காக தனது உடல் எடையை குறைத்து ஸ்லிமாகி வருகிறார் வனிதா.