சூர்யா படத்தில் பிரியங்கா மோகன், சத்யராஜ்

சூரரைப்போற்று படத்தை அடுத்து கவுதம் மேனன் இயக்கும் நவரசா என்ற ஆந்தாலஜி படத்தில் நடித்து வரும் சூர்யா, அதைத் தொடர்ந்து பாண்டிராஜ், வெற்றிமாறன் இயக்கும் படங்களில் நடிக்கிறார். இதில் பாண்டிராஜ் இயக்கும் படத்திற்கு டி.இமான் இசையமைக்கிறார்.

சூர்யாவின் 40வது படமான இப்படத்தில் அவருக்கு ஜோடியாக சிவகார்த்திகேயனின் டாக்டர் படத்தில் நடித்துள்ள பிரியங்கா மோகன் நடிப்பதாக ஏற்கனவே செய்திகள் வெளியானது. இப்போது அதிகாரபூர்வமாக அறிவிக்கப்பட்டுள்ளது. மேலும் படத்தில் முக்கிய வேடத்தில் நடிகர் சத்யராஜும் நடிக்கிறார். இதற்கான அறிவிப்பும் வெளியிடப்பட்டுள்ளது. விரைவில் படப்பிடிப்பு துவங்க உள்ளது.