இளம் கன்னட நடிகர் கொரோனவுக்கு பலி

கன்னட சினிமாவில் வளர்ந்து வந்த இளம் நடிகர் டி.எஸ்.மஞ்சுநாத். கெமிஸ்ட்ரி ஆப் கரியப்பா, சம்யுத்தா படங்களை அவரே தயாரித்து நடித்தார். ஜீரோ பிரசன்ட் காதல் என்ற படத்தை தயாரித்து நடித்து வந்தார். இந்த படத்தை வருகிற ஜூன் 22ந் தேதி தனது பிறந்த நாளில் வெளியிட திட்டமிட்டிருந்தார்.

இந்த நிலையில் மஞ்சுநாத்துக்கு கடந்த வாரம் திடீர் உடல்நலக் குறைவு ஏற்பட்டது. இதனால் மருத்துவமனையில் சேர்க்கப்பட்டார். அங்கு பரிசோதனையில் அவருக்கு கொரோன தொற்று உறுதி செய்யப்பட்டது. அற்கான சிகிச்சை பெற்று வந்த நிலையில் திடீரென உடல்நிலை மோசமடைய ஐசியூவில் சேர்க்கப்பட்டு சிகிச்சை அளிக்கப்பட்டது. என்றாலும் சிகிச்சை பலன் இன்றி உயிரிழந்தார்.

அவருக்கு ஏற்கெனவே சிறுநீரக தொற்று பிரச்சினை இருந்ததும், அதற்கு அவர் சிகிச்சை பெற்று வந்ததும் தெரியவந்தது. 35 வயதான மஞ்சுநாத்தின் மரணம் கன்னட திரையுலகில் அதிர்ச்சியை ஏற்படுத்தி உள்ளது.