தமன்னாவின் முதல் தமிழ் வெப்சீரிஸ் இன்று ரிலீஸ்

தமிழ், தெலுங்கு, ஹிந்தி மொழிகளில் நடித்துள்ள தமன்னாவின் முதல் தமிழ் வெப் சீரிஸான 'நவம்பர் ஸ்டோரி' இன்று வெளியாகி உள்ளது. இதுவரை திரைப்படங்களில் மட்டுமே நடித்து வந்த தமன்னா முதன் முறையாக தெலுங்கில் கடந்த மாதம் வெளிவந்த '11த் ஹவர்' என்ற வெப் சீரிஸில் நடித்தார்.

அடுத்து அவர் தமிழில் நடித்துள்ள 'நவம்பர் ஸ்டோரி' இன்று வெளியாகி உள்ளது. இந்திரா சுப்ரமணியம் எழுதி இயக்கியுள்ள இத்தொடரில் அனுராதா என்ற கதாபாத்திரத்தில் தமன்னா நடித்துள்ளார். ஜிஎம்.குமார், பசுபதி, விவேக் பிரசன்னா, அருள்தாஸ் மற்றும் பலரும் நடித்துள்ளார்கள். க்ரைம் த்ரில்லர் தொடரான இது ஏழு பாகங்களாக இடம் பெற்றுள்ளது.

தமிழில் முன்னணி நடிகைகளும் நடிக்கும் வெப்சீரிஸ்கள் தற்போது வர ஆரம்பித்துள்ளன. இதற்கு முன்பு காஜல் அகர்வால் நடித்த 'லைவ் டெலிகாஸ்ட்' வெளிவந்தது. காஜல், தமன்னாவைத் தொடர்ந்து மேலும் சில முன்னணி நடிகைகள் வெப் சீரிஸ்களில் நடிக்கத் தயாராக இருக்கிறார்களாம்.