விஜய் ஆண்டனிக்கு ஜோடியாகும் ஹன்சிகா
ADDED : 1532 days ago
விஜய் ஆண்டனி தற்போது தமிழரசன், அக்னி சிறகுகள், காக்கி, கோடியில் ஒருவன் போன்ற படங்களில் நடித்து வருகிறார். இந்த நிலையில், தனது கேரியரில் மெகா ஹிட்டாக அமைந்த பிச்சைக்காரன் படத்தின் இரண்டாம் பாகத்தை தானே இயக்கி, நடிக்கவும் தயாராகிக் கொண்டிருக்கிறார்.
இந்த படத்தின் பர்ஸ்ட் லுக் போஸ்டரை சமீபத்தில் வெளியிட்ட விஜய் ஆண்டனி தமிழ், தெலுங்கு என இரண்டு மொழிகளில் வெளியிடப்போவதாகவும் தெரிவித்துள்ளார். இந்த நிலையில் பிச்சைக்காரன் படத்தில் சாத்னா டைட்டஸ் நாயகியாக நடித்த நிலையில் இந்த இரண்டாம் பாகத்தில் அவர் நடித்த நாயகி வேடத்தில் ஹன்சிகாவை நடிக்க வைக்க பேசி வருவதாக செய்திகள் வெளியாகியுள்ளன. இந்த செய்தி விரைவில் உறுதிப்படுத்தப்படும் என்றும் கூறப்படுகிறது. மேலும் தமிழில் மஹா படத்தில் நடித்துள்ள ஹன்சிகா தற்போது தெலுங்கில் என் பெயர் ஸ்ருதி, 150 நிமிடங்கள் போன்ற படங்களில் நடித்து வருகிறார்.