செவிலியர்களை பெருமைப்படுத்த வரும் படம்

இதில் நாயகனாக விஷ்ணு ப்ரியன் நடிக்கிறார். நாயகியாக வண்ணத்தமிழ் சூர்யா நடிக்கிறார். இவர் பிரபல கல்லூரியில் பேராசிரியராக பணியாற்றி வருகிறார். இவர்களுடன் திருப்பாச்சி பெஞ்சமின் முக்கிய வேடத்தில் நடிக்கிறார்.

படம் பற்றி இயக்குனர் குணா ஜீ கூறியதாவது: கொரோனா சமயத்தில் தங்கள் உயிரை துச்சமாக எண்ணி மக்கள் சேவை ஆற்றிய உலக செவிலியர்களை பெருமைப்படுத்தும் விதமாக இந்தப் படம் உருவாகவுள்ளது. உலகத்திலேயே ஆகச் சிறந்த மருந்து அன்பு என்பது தான் படத்தின் மையக்கரு.

அதே சமயம் கொரோனாவை விட கொடியவர்கள் மனிதர்கள் என்பதையும், எல்லா மதங்களும் அன்பை மட்டுமே போதிக்கிறது என்பதை சொல்கிறது. இது கருத்தியல் படமாக இல்லாமல் கமர்ஷீயல் படமாக உருவாக உள்ளது. கொரோனா சமயத்தில் குடும்பத்தை பிரிந்து பல மணி நேரம் கஷ்டமான கவச உடை அணிந்து சேவை ஆற்றிய செவிலியர்களின் கடமையையும், தியாகத்தையும் அழுத்தமாக பதிவு செய்யும் படம். என்றார்.