விஜய் - வெற்றிமாறன் படம் பற்றி ஜி.வி.பிரகாஷ் கொடுத்த அப்டேட்

நெல்சன் இயக்கி வரும் பீஸ்ட் படத்தில் நடித்து வருகிறார் விஜய். இதையடுத்து தெலுங்கு இயக்குனர் வம்சி இயக்கும் தனது 66வது படத்தில் நடிக்க உள்ளார். இந்த படத்தின் பூஜை அக்டோபர் 15-ந்தேதி ஐதராபாத்தில் நடைபெற உள்ளது. இந்த நிலையில் ஏற்கனவே விஜய் - வெற்றிமாறன் இணையப்போவதாக ஒரு செய்தி வெளியாகி வரும் நிலையில் தற்போது அதுகுறித்து ஜி.வி.பிரகாஷ்குமார் ஒரு தகவல் வெளியிட்டுள்ளார்.

அவர் கூறுகையில், விஜய்யும், வெற்றிமாறனும் இணையப் போகிறார்கள் என்கிற செய்தி வெளியானதும் எதிர்பார்ப்பு அதிகரித்துவிட்டது. ஆனால் அதற்கான நேரம் தான் இன்னும் வரவில்லை என்று நினைக்கிறேன். என்றாலும் அடுத்த ஆண்டில் அவர்கள் கண்டிப்பாக இணைந்து விடுவார்கள் என்று எதிர்பார்க்கலாம் என்பது போன்று தெரிவித்துள்ளார்.