ராமேஸ்வரம் கோயில் உண்டியல் காணிக்கை ரூ. 65 44 லட்சம்

ராமேஸ்வரம்: ராமேஸ்வரம் ராமநாதசுவாமி கோயில் உண்டியலில் ரூ. 65.44 லட்சம் காணிக்கையாக கிடைத்தது. ராமேஸ்வரம் கோயிலில் ஏப்., 20 க்கு பின் நேற்று சுவாமி, அம்மன் மற்றும் பஞ்சமூர்த்தி சன்னதிகளில் முன்பு உள்ள உண்டியல்கள் நேற்று திறக்கப்பட்டு காணிக்கையை சேகரித்து கோயில் திருக்கல்யாண மண்டபத்தில் கோயில் இணை ஆணையர் பழனிகுமார் முன்னிலையில் எண்ணப்பட்டது. இதில் ரொக்க பணம் 65 லட்சத்து 44 ஆயிரத்தி 87 ரூபாயும், தங்கம் 110 கிராம் வெள்ளி 825 கிராம் காணிக்கையாக கிடைத்தது. காணிக்கை எண்ணும் பணியில் கோயில் பேஷ்கார்கள் அண்ணாதுரை, கமலநாதன், முனியசாமி, கோயில் ஊழியர்கள் பலர் பங்கேற்றனர்.