கபாலீஸ்வரர் கோவிலில் சொர்ணா ஆகாச பைரவருக்கு சிறப்பு பூஜை

கோபால்பட்டி, கோபால்பட்டி கபாலீஸ்வரர் கோவிலில் உள்ள சொர்ணா ஆகாச பைரவருக்கு தேய்பிறை அஷ்டமி பூஜையில் திரளான பக்தர்கள் கலந்து கொண்டு சாமி தரிசனம் செய்தனர். முன்னதாக பைரவருக்கு சிறப்பு அபிஷேகம் செய்து வஸ்திரம் சாத்தப்பட்டு, வடை மாலை அணிவித்தும் , நெய் தீபம் ஏற்றியும், சிவப்பு நிற மலர்களால் அர்ச்சனை செய்தும் வழிபாடு நடந்தது. சொர்ணா ஆகாச பைரவர் சிறப்பு அலங்காரத்தில் பக்தர்களுக்கு அருள் பாலித்தார். அன்னதானம் வழங்கப்பட்டது. இதைப்போலவே நத்தம் கோவில்பட்டி கைலாசநாதர் கோவிலில் உள்ள பைரவர் சன்னதி, அய்யாபட்டி சிவதாண்டவப்பாறை ருத்ர லிங்கேஸ்வரர் கோவிலில் உள்ள வைரவர், வேம்பார்பட்டி சக்தி விநாயகர் கோவிலில் உள்ள பைரவர் சன்னதிகளிலும் தேய்பிறை அஷ்டமி சிறப்பு பூஜைகள் நடந்தது.