ராமேஸ்வரம் கோயிலில் மத்திய அமைச்சர் சுவாமி தரிசனம்

ராமேஸ்வரம்; ராமேஸ்வரம் ராமநாதசுவாமி கோயிலில் மத்திய கல்வித்துறை அமைச்சர் தர்மேந்திர பிரதான், புனித நீராடி சுவாமி தரிசனம் செய்தார். நேற்று ராமேஸ்வரம் கோயிலுக்கு வந்த மத்திய அமைச்சர் தர்மேந்திர பிரதான், குடும்பத்தினரை ராமநாதபுரம் மாவட்ட பா.ஜ.,தலைவர் முரளிதரன் மற்றும் கோயில் ஊழியர்கள் வரவேற்றனர். பின் மத்திய அமைச்சர் மற்றும் குடும்பத்தினர் கோயில் வளாகத்தில் உள்ள 22 தீர்த்தங்களை புனித நீராடினர். இதன்பின் கோயிலில் சுவாமி, பர்வதவர்த்தினி அம்மன் சன்னதியில் நடந்த சிறப்பு பூஜையில் பயபக்தியுடன் சுவாமி தரிசனம் செய்தனர். அமைச்சருக்கு கோயில் நிர்வாகம் சார்பில் குருக்கள் பிரசாதம் வழங்கினர். முன்னதாக மத்திய அமைச்சர் ராமேஸ்வரம் காஞ்சி சங்கராச்சாரியார் மடத்தில் சிறப்பு பூஜை செய்து தரிசனம் செய்தார்.