திருப்பதி ஏழுமலையான் கோயிலுக்கு சொகுசு கார் நன்கொடை அளித்த சென்னை பக்தர்

திருப்பதி: சென்னையைச் சேர்ந்த போசனா எனர்ஜி பிரைவேட் லிமிடெட் நிறுவனத்தின் நிர்வாக இயக்குனர் மகேஷ் சுந்தர், ரூ 40 லட்சம் மதிப்புள்ள டொயோட்டா இன்னோவா ஹைக்ராஸ் VZ ரக சொகுசு காரை இன்று வெள்ளிக்கிழமையன்று திருப்பதி தேவஸ்தானத்திற்கு நன்கொடையாக வழங்கினார். நன்கொடையை வழங்குவதற்கு முன்னதாக, நன்கொடையாளர் ஸ்ரீவாரி ஆலயத்தின் முன்பாக காருக்கு சிறப்புப் பூஜைகளை மேற்கொண்டார்; பின்னர், அக்காரின் சாவிகளை ஆலயத்தின் துணைச் செயல் அலுவலர் லோகநாதத்திடம் ஒப்படைத்தார். இந்நிகழ்வில் திருப்பதி தேவஸ்தான DI கிருஷ்ணய்யா கலந்துகொண்டார்.