ராஜகணபதி கோவிலில் சங்கடஹர சதுர்த்தி சிறப்பு வழிபாடு!

காரிமங்கலம்: காரிமங்கலம், மந்தைவீதி ஸ்ரீராஜகணபதி கோவிலில், சங்கடஹர சதுர்த்தி வழிபாடு இன்று (8ம் தேதி) மாலை, 6 மணிக்கு நடக்கிறது. இதையொட்டி விநாயகருக்கு பல்வேறு சிறப்பு அபிஷேகம், அலங்காரம் மற்றும் பூஜைகள் நடக்கிறது. பக்தர்களுக்கு பிரசாதம் வழங்கப்படுகிறது. ஏற்பாடுகளை தேவகாண்டலா இளைஞர் மன்றத்தினர் மற்றும் கோவில் நிர்வாகத்தினர் செய்துள்ளனர்.

* காவேரிப்பட்டணம் அடுத்த, பென்னேஸ்வர மடம் ஸ்ரீ வேதநாயகி சமேத பென்னேஸ்வரர் கோவிலில், சங்கரஹர கணபதிக்கு இரவு, 7.30 மணிக்கு சிறப்பு அபிஷேகம், அலங்காரம் மற்றும் பூஜைகள் நடக்கிறது. ஏற்பாடுகளை கோவில் குருக்கள் மோகன்குமார் மற்றும் ஊர் பொதுமக்கள் செய்துள்ளனர்.

* தர்மபுரி சாலை விநாயகர் கோவில், நெசவாளர் காலனி சக்தி விநாயகர் கோவில், குமாரசாமி பேட்டை விநாயகர் கோவில், அப்பாவு நகர் விநாயகர் கோவில், பாலக்கோடு ஞான பிள்ளையார் கோவில் உட்பட மாவட்டத்தில் உள்ள பல்வேறு விநாயகர் கோவில்களில் சங்கடஹர சதுர்த்தியையொட்டி ஸ்வாமிக்கு சிறப்பு அபிஷேகம், பூஜைகள் நடக்கிறது.