போளூர் ரேணுகாம்பாள் கோவில் கும்பாபிஷேகம் ஜூலை 10ல் கோலாகலம்

திருவண்ணாமலை: ரேணுகாம்பாள் அம்மன் கோவில் கும்பாபிஷேக விழா நிகழ்ச்சிகள், கடந்த ஆறாம் தேதி கணபதி ஹோமத்துடன் துவங்கியது. ஏழாம் தேதி நவக்கிரஹ ஹோமம், லட்சுமி ஹோமம், தனபூஜை மற்றும் முதற்கால யாகபூஜை நடந்தது. ஜூலை 8ம் தேதி காலை 9 மணிக்கு இரண்டாம் கால யாகபூஜை மற்றும் மூன்றாம் கால யாக பூஜை நடந்தது.

9ம் தேதி காலை 8.30 மணிக்கு, நான்காம் கால யாகபூஜை, மாலை 6 மணிக்கு ஐந்தாம் கால யாகபூஜை நடக்கிறது. 10ம் தேதி காலை 6 மணிக்கு, ஆறாம் கால யாகபூஜை, காலை 9.45 மணிக்கு ரேணுகாம்பாள் அம்மனுக்கும், சோமநாதஸ்வரர் மற்றும் பரிவார மூர்த்திகளுக்கு கும்பாபிஷேகமும் நடக்கிறது. இரவு 7 மணிக்கு, அம்மன் திருவீதி உலா நடக்கிறது.
உணவுத்துறை அமைச்சர் கிருஷ்ணமூர்த்தி, இந்துசமய அறநிலையத்துறை அமைச்சர் சண்முகநாதன், சென்னை சுந்தரம கிளைட்டன் லிமிடெட் நிர்வாக இயக்குனர் வேணுசீனிவாசன், கோவை அத்வைத் லட்சுமி இண்டஸ்ட்ரீஸ் நிர்வாக இயக்குனர் ரவிராம் மற்றும் எம்.எல்.ஏ.,க்கள், எம்.பி.,க்கள் கலந்து கொள்கின்றனர்.